अन्नपूर्ण संरक्षण क्षेत्र (ACA) नेपालकै सबैभन्दा ठूलो र पहिलो संरक्षण क्षेत्र हो l यसको क्षेत्रफल ७,६२९ वर्ग किमी छ र यो पाँच जिल्लामा फैलिएको छ । यहाँ २१ वटा आधिकारिक ट्रेकिङ रुट, १,२०० किमीभन्दा बढी ट्रेल, र थोरङ–ला पास (५,४१६ मि) रहेको छ। छोटो हाइकदेखि लामो क्लासिक ट्रेकसम्म सबैका लागि उपयुक्त ACA मा समुदायले विशेष भूमिका खेलेको छ l ACAP Permit र TIMS Card अनिवार्य छन् l नार–फु जस्ता प्रतिबन्धित उपत्यकामा विशेष अनुमति तथा लाइसेन्स प्राप्त गाइड लानु पर्छ l यो देशको पहिलो संरक्षण क्षेत्र पनि हो। यो विश्वका सबैभन्दा लोकप्रिय ट्रेकिङ गन्तव्यहरूमध्ये एक हो।यहाँ घोरेपानी पुनहिल जस्ता छोटो हाइकहरू पनि छन् l यो प्रतिबन्धित क्षेत्र होइन, तर बिदेशी पर्यटक का लागि ACAP Permit अनिवार्य छ।

हरेक वर्ष, विश्वभरबाट ठूलो संख्यामा ट्रेकरहरू यहाँ आउने गर्दछन् । यसर्थ, यो क्षेत्रले सशक्त पर्यटन अर्थतन्त्र निर्माण गरेको छ। मुख्य मार्गहरूमा अहिले चिया घर र लजहरू व्यापक छन्।

अन्नपूर्ण क्षेत्रमा पर्यटक बढ्दै गएको छ। पर्यटकको संख्या २०२१ मा ४,७५४ बाट बढेर २०२५ मा २,९९,८३१ पुगेको छ। अर्थात्, पाँच वर्षमा लगभग ६,०००% को वृद्धि भएको छ। नेपालको पर्यटन क्षेत्रमा यो उल्लेख्य वृद्धि हो l 

*नेपाली पर्यटकको संख्या राख्ने चलन नभएकोले हो कि यो संख्या अपूर्ण जस्तो देखिन्छ  l 

स्रोत: राष्ट्रिय निकुञ्ज तथा वन्यजन्तु संरक्षण विभाग (२०७७/७८-२०८०/८१);onlinekhabar (2026) * छ महिनाको मात्र उपलब्ध भएको l

सार्क पर्यटकहरु यहाँहरुको मुख्य पाहुना हुन् l डेटाले भन्छ, उनीहरुको यहाँ आउने समय निश्चित छ, केहि महिनामा सीमित छ l 

स्रोत: राष्ट्रिय निकुञ्ज तथा वन्यजन्तु संरक्षण विभाग (२०७७/७८-२०८०/८१)

सन् २०२३ को पूर्ण तथ्याङ्कलाई आधार मान्ने हो भने, यहाँ आउने पर्यटकहरु निश्चित महिनामा आउने गर्दछन् l 

विगत चार वर्षको तथ्यांकले भन्छ - पर्यटक वृद्धि हुदै छ l विशेष गरेर सार्क क्षेत्रबाट l यो संख्या हेरर आफ्नो योजना बनाउनुहोस् l 

सन् २०२३ को माषिक र २०२५ को जम्मामा संख्यालाई आधार बनाएर बढीमा कति, घटीमा कति र यहि अवस्था रहे कति पर्यटक आउन सक्छन भन्ने जानकारी तलको तालिकामा प्रस्तुत गरिएको छ l  

• आफ्नो बाटो निश्चित गर्नुहोस् l के तपाई उल्लेरीको राम्रो होटेल व्यवसायी हो ? के घोरेपानीमा तपाईको सुविधासम्पन्न होटेल छ ? के तपाईले मनांगमा दक्ष फोटोग्राफी सेवा दिन सक्नुहुन्छ ? निर्णय गर्नुहोस् l हरेक कुरोमा यहाँ नै दक्ष हुन सक्नुहुन्न l यसैले यहाको दक्षता यो हो भन्ने जानकारी पर्यटकलाई दिनुहोस् l

• सहि ठाउँमा लगानी गर्नुहोस् l ठाउँले धेरै ठुलो भूमिका खेलेको हुन्छ l दुई घण्टा हिडेर पुग्नु पर्ने होटेलले दुख पाउन सक्छ l यसर्थ, सहि लगानीको लागि ठाउँले धेरै असर गर्छ l थकित पर्यटक बस्ने सहि ठाउँ खोजेर लगानी गर्नुस l सुविधासम्पन्न होटेल बनाउने हो भने त्यो ठाउँबाट राम्रो दृश्यावलोकन गर्न सक्ने हुनुपर्छ l

• अनलाइन गतिविधि बढाउनुहोस् l अहिलेको जमातको लागि मोबाइल नै सब थोक हो l गुगल म्याप अनि राम्रा फोटो र होटेलको रिभ्युले एकदम राम्रो संदेश दिन्छ l फेसबुक पेजमार्फत बिज्ञापन गर्नुहोस् l राम्रो चिज देखाउनुहोस् l

• सार्क पर्यटकसंग घुलमिल गर्नुहोस l यो यहाँको लागि सबैभन्दा राम्रो अवसर हो l सार्क पर्यटकको रोजाई अनुसार खानेकुरो, होटेलको रुम, र बिशेष प्याकेजहरु बनाउनुहोस् l साकाहारी भोजन, परिवार संग बस्न मिल्ने कोठाहरु र जुन समयमा आउदा पनि होटेलमा बस्न सक्ने व्यवस्था मिलाउनुहोस् l ​

• धेरै पर्यटक आउने समयमा रणनीति बनाउनुहोस l यहाँको सफलता चैत्र-जेठमा धेरै हदसम्म भर पर्छ l यो समयमा आफ्नो रणनीति बनाउनुहोस् l