दशकौँ सम्म अमेरिकी पर्यटकहरू नेपाल आउने समय भनेको अंग्रेजी क्यालेन्डरको सेप्टेम्बर र अक्टोबर महिना रह्यो । सो समयमा मौसम पनि सफा हुने, ट्रेकिङ जाने बाटोहरू पनि खुला हुने, र नेपालमा चाडपर्वहरूको रौनक हुने हुँदा अमेरिकी पर्यटकहरुले सो समयलाई लक्षित गर्थे l तर अब यो अवस्था फेरिदै गएको छ। विगत ४ वर्षको पर्यटक सङ्ख्याले अमेरिकी पर्यटकहरुको यात्रा तालिका हेरफेर हुदै गएको देखाएको छ l यसर्थ अमेरिकी पर्यटकहरु कुन महिनामा कति आउदै छन् भन्ने कुरो हरेक व्यवसायी वा अन्य सरोकारवालाहरुले बुझ्नु जरुरी छ l

अमेरिकी पर्यटकहरुको निरन्तर वृद्धि 

सन् २०२२ मा ७७,०८३ अमेरिकी पर्यटकहरू नेपाल आएका थिए। यो सङ्ख्या सन् २०२४ र २०२५ मा ११२,००० भन्दा बढी पुगेको छ । वृद्धि दरमा भन्नु पर्दा, २०२२ को तुलनामा ५०% भन्दा थप अमेरिकी पर्यटकहरु नेपाल आएका छन् । सन् २०२६ को सुरुवाती महिना ज्यानवरीमा अघिल्लो सालको सोही महिनाभन्दा बढी अमेरिकी पर्यटकहरू नेपाल आएका छन् l यसले अमेरिकी पर्यटकहरूको नेपालप्रतिको रुचि र चासो देखाएको छ । यस्तै, पहिलेको समयमा अमेरिकी पर्यटकहरु असोजदेखि मंसिरमा धेरै आउने गरेकोमा हालको समयमा भने पुस-माघमा धेरै आउन थालेका छन्। अर्थात्, अमेरिकी पर्यटकहरूको यात्रा तालिकामा फेरबदल आएको छ l

स्रोत:  Nepal Tourism Board (2022-2026)

जनवरी-जुन: अमेरिकी पर्यटकहरुको बदलिएको यात्रा तालिका

सन् २०२२ को जनवरीदेखि अप्रिल महिनासम्ममा १८,७१९ अमेरिकी पर्यटकहरू नेपाल घुम्न आए। यस्तै, सन् २०२५ मा यो सङ्ख्या ३९,००० भन्दा बढी पुग्यो । हिसाब गर्ने हो भने २०२२ को तुलनामा सन् २०२५ को सङ्ख्या दोब्बर भन्दा पनि बढी छ । झन्, २०२५ को फेब्रुअरी महिनामा मात्रै १०,३४८ अमेरिकी पर्यटकहरु नेपाल आएका थिए l तीन वर्षअघिको सङ्ख्या भन्दा यो सङ्ख्या तेब्बर बढी हो l अङ्ग्रेजी क्यालेन्डरको मे र जुनमा पनि उत्तिकै पर्यटकहरू नेपाल आए । यस्तै अवस्था मार्च र अप्रिल महिनामा पनि छ। सन् २०२६ को ज्यानवरी महिनामा ८,४०६ अमेरिकी पर्यटकहरू नेपाल आए l जनवरी महिनाको लागि यो सबैभन्दा धेरै संख्या हो। यसर्थ अमेरिकी पर्यटकहरूको नेपाल आगमनले एउटा सन्देश दिएको छ। उनीहरूको यात्रा तालिका परिवर्तन हुँदैछ। यो हुनु भनेको नेपालको लागि फाइदाको विषय हो।

स्रोत:  Nepal Tourism Board (2022-2026)

जुलाई-डिसम्बर:  दशैँ ताकाको अमेरिकी यात्रा

अङ्ग्रेजी क्यालेन्डरको जुलाईदेखि डिसेम्बरसम्मको अमेरिकी पर्यटकहरूको सङ्ख्यालाई हेर्ने हो भने उल्लेख्य वृद्धि भएको देखिन्छ l सन् २०२२ को अक्टोबर महिनामा ११,८५९ अमेरिकी पर्यटकहरू नेपाल आए l त्यो संख्या २०२४ मा १६००० भन्दा माथि पुगेको छ। अन्य महिनाहरूमा पनि अमेरिकी पर्यटकहरूको सङ्ख्या बढेको छ। सन् २०२५ को सेप्टेम्बर महिनामा अघिल्लो सालको तुलनामा कम पर्यटक आए तापनि समग्रमा हेर्ने हो भने यसले अमेरिकी पर्यटकहरूको नेपालमा विद्यमान रुचि र चासोलाई प्रष्ट पार्दछ।

स्रोत:  Nepal Tourism Board (2022-2026)  

भक्तपुरमा अमेरिकी पर्यटकहरुको बढ्दो रहर

विश्व पर्यटनमा केही वर्ष समस्या भएपनि सन् २०२४/२५ मा भक्तपुर दरबार स्क्वायरले १६,५५८ अमेरिकी पर्यटकहरुलाई स्वागत गर्यो l यो संख्या सन् २०२१/२२ मा १३,२३० थियो। सङ्ख्यालाई जोडघटाउ गर्ने हो भने सन् २०२४/२५ मा भक्तपुर पुग्ने अमेरिकी पर्यटकहरु २५% ले बढे l यसले भक्तपुर दरबार स्क्वायरमा अमेरिकी पर्यटकहरुको चासो निरन्तर बढिरहेको छ भन्ने सकारात्मक संदेश दिएको छ l भक्तपुरमा देखिएको अमेरिकी पर्यटक सङ्ख्याले अबका दिनमा यहाँ थप अमेरिकीहरुलाई ल्याउन के गर्न पर्छ भनेर सोच्न बाध्य बनाएको छ ।

स्रोत:  Nepal Tourism Board (2022-2026)

लुम्बिनीमा अमेरिकी पर्यटकहरुको बढ्दो चासो

अमेरिकी पर्यटकहरूले लुम्बिनीमा चासो देखाएका छन् । सन् २०२२ मा लुम्बिनी आउने अमेरिकी पर्यटकहरूको सङ्ख्या जम्माजम्मी ९२४ थियो। सन् २०२३ मा यो सङ्ख्या १,६७८ पुग्यो। यो भनेको एकै वर्षमा ८२%ले वृद्धि हो। सन् २०२४ मा यो सङ्ख्या १,८४७ पुग्यो l संख्याको हिसाबमा त्यति ठूलो नभए पनि यसले एउटा सन्देश दिएको छ: अमेरिकी पर्यटकहरु लुम्बिनी भ्रमण गर्न खोज्छन् l लुम्विनी पुगेर आउ न भनेर भन्दा पनि लुम्बिनी त जानै पर्छ भन्ने संदेश जादै छ l

स्रोत:  Nepal Tourism Board (2022-2026)

पर्वतारोहणमा अमेरिकी महिला पर्यटकहरुको सक्रिय र सफल आरोहण 

पर्वतारोहणका लागि आउने अमेरिकी पर्यटकहरूको सङ्ख्या सन् २०२४ मा केही घटे पनि उनीहरुको सफलताको कथा उल्लेख्य छ । पुरुषहरूको सङ्ख्या २६३ बाट २०१२ मा झरेको छ l महिलाहरूको संख्या हरेक वर्ष ५८ वा सोभन्दा धेरै छ। अझ राम्रो कुरो त महिलाहरूको सफलता दर ४८% वा त्यो भन्दा बेसी छ। यो भनेको हिमाल आरोहण गर्ने आधि जसो महिलाहरु सफल हुने गरेका छन् l पुरुषहरूको सफलता दर पनि ४५% बाट ५८% पुगेको छ । यी सबै सङ्ख्याहरूले भन्छ कि थोरै मात्र अमेरिकी पर्यटकहरू हिमाल आरोहणमा जाने गरेका छन् l तर जति जान्छन्, तयारीका साथ जान्छन् र शिखरमा पुग्छन् l

स्रोत:  Nepal Tourism Board (2022-2026)

सन् २०२६ को लागि आउन सक्ने अमेरिकी पर्यटकहरुको सम्भावित संख्या 

सन् २०२६ को सुरुवाती महिनामा देखिएको चार प्रतिशत वृद्धिले थप ऊर्जा प्रदान गरेको छ। वर्षभरि अमेरिकी पर्यटकहरुको अवस्था के हुन्छ भन्ने जानकारी तल प्रस्तुत गरिएको छ l

नोट:  ८०% बिश्वास अन्तराल

नेपालको पर्यटन: सिक्नुपर्ने तिन विश्वव्यापी पाठहरु

अमेरिकी पर्यटकहरूको यात्रा तालिका बिस्तारै परिवर्तन हुँदैछ। कुनै बेला असोज महिनामा धेरै आउने अमेरिकी पर्यटकहरु अब बिस्तारै अन्य महिनाहरूमा आउन थालेका छन्। भक्तपुरमा पुग्ने अमेरिकी पर्यटकहरूको सङ्ख्या १६००० भन्दा बढी नाघेको छ। यो तथ्यले अमेरिकी पर्यटकहरू पौराणिक महत्व भएका ठाउँमा घुम्न मन पराउँछन् भन्ने सन्देश दिएको छ। सन् २०२४ मा पहिलेको वर्षको तुलनामा थोरै महिलाहरूले हिमाल आरोहण गरे l जतिले गरे तीमध्ये धेरैले सफलता पाए l यस मानेमा, नेपालमा अमेरिकी पर्यटकहरूको चासो निरन्तर बढीरहेको छ। सही रणनीति बनाउने हो भने यसले अर्को फड्को मार्छ l

यो पनि हेर्नुहोस्:  अमेरिकी पर्यटकहरुलाई गौरीशंकर संरक्षण क्षेत्र लाने बारे पनि सोच्ने कि

Click Here