सजिलै पुग्न सकिने साहसिक पदयात्रा खोज्दै हुनुहुन्छ? लाङटाङ राष्ट्रिय निकुञ्जमा यहाँलाई स्वागत छ। यो नेपालको पहिलो पर्वतीय निकुञ्ज हो। यहाँ आउन काठमाडौँबाट १ दिन लाग्छ l यहाँ जंगल, हरियाली मैदान र विशाल हिमनदीहरूको किनारै किनार हिडाईको आनन्द लिन सकिन्छ l भूकम्प र महामारीपछि यो राष्ट्रिय निकुन्जमा पर्यटकहरु बढ्न थालेका छन् l पहिले नेपाली पर्यटकहरु मात्र यहाँ आउदथे भने अहिले विदेशी पर्यटकहरु पनि आउन थालेका छन् l

यात्रा सुरु गर्नुअघि यहाँहरुले अनुमति पत्र (पर्मिट) लिनुपर्छ l यो भनेको लाङटाङ राष्ट्रिय निकुञ्ज प्रवेश शुल्क हो। यसपश्चात, स्याब्रुबेसीबाट ट्रेक शुरु हुन्छ। त्यहाँबाट लामा होटल र लाङटाङ गाउँ हुँदै क्यान्जिन गुम्पा पुग्नुहुन्छ l क्यान्जिन गुम्पा भ्रमणका लागि एउटा राम्रो आधारस्थल हो। यहाँबाट क्यान्जिन री र छेर्को री वा लाङसिसा खर्क र याला पिक बेस क्याम्पमा ट्रेक गर्न सकिन्छ l यी यात्राहरू आनन्ददायी त छन् नै, साथै यसले स्थानीय समुदायलाई सहयोग पनि पुग्छ।

यो ठाउँ शुरुवाती ट्रेकरहरूका लागि एकदमै अनुकूल छ। उचाई बिस्तारै बढ्दै जान्छ, जसले गर्दा तपाईंको शरीरलाई अभ्यस्त हुन पर्याप्त समय मिल्छ। यसैले नयाँ ट्रेकरहरूका लागि यो एउटा सुरक्षित र आनन्ददायी विकल्प हो। 

लाङटाङमा अहिले पर्यटकको चहलपहल छ । सन् २०२१ मा यहाँ करिब १३,७८० पर्यटकहरु थिए भने, सन् २०२३ मा यो संख्या बढेर ३१,०५५ पुगेको छ l तीन वर्षमै पर्यटक संख्या दुई गुणले बढेको छ l यहाँ अत्यधिक नेपाली पर्यटकहरु पुग्छन l अहिले विदेशी पदयात्रीहरू पनि आउन थालेका छन् l पर्यटनको अवस्था फेरिँदै छ ।

हरेक वर्ष यहाँ कति पर्यटक आए, यो तालिकामा प्रस्तुत गरिएको छ l  ​ 

स्रोत: राष्ट्रिय निकुञ्ज तथा वन्यजन्तु संरक्षण विभाग (२०७७/७८-२०८०/८१); * छ महिनाको मात्र उपलब्ध भएको l 

​नेपाली पर्यटकहरु यहाँको सबैभन्दा भरपर्दा ग्राहक हुन्। यहाँ आउने दस मध्ये सात पर्यटक त नेपाली नै हुने हुन् l विदेशी पर्यटकको अवस्था जे जस्तो भए पनि, यहाँको व्यवसायलाई स्थिर बजार दिने भनेको नेपाली पर्यटकले नै हो l तर, नेपाली पर्यटकहरु वर्षभरि समान रूपले आउँदैनन् । यिनीहरु विशेष गारेर बिदा र चाडपर्वको बेलामा यहाँ आउने गर्दछन् l 

दशैँ-तिहार र नेपाली नयाँ वर्षमा यहाँ नेपालीहरुको ठूलो चहलपहल हुन्छ l यी समयमा विशेष छुट वा समूहमा आउनेलाई छुटै प्याकेजको व्यवस्था गरेर धेरै भन्दा धेरै नेपाली पर्यटकहरुलाई यहाँले आफ्नो व्यवसायमा आकर्षित गर्न सक्नुहुन्छ l

स्रोत: राष्ट्रिय निकुञ्ज तथा वन्यजन्तु संरक्षण विभाग (२०७७/७८-२०८०/८१)

विदेशी पर्यटकहरू छोटो तर व्यस्त दुई सिजममा मात्र यहाँ आउँछन् । उनीहरु अक्सरअसोज–कार्तिक र चैत्र-बैशाखमा प्रायः यहाँ आउने गर्छन् । अझ असोज र कार्तिकमा सबै भन्दा धेरै आउने गर्दछन् l जाडो र मनसुनको समयमा विदेशी पर्यटकहरु निकै कम हुन्छन्। यसको अर्थ, यहाँले विदेशीहरु मार्फत आम्दानी गर्ने सम्भावना केहि महिनाको लागि मात्र सीमित छ l

स्रोत: राष्ट्रिय निकुञ्ज तथा वन्यजन्तु संरक्षण विभाग (२०७७/७८-२०८०/८१)

यहाँको आम्दानी वर्षभरि समान रूपमा फैलिदैन l यो त, दुई छोटो तर व्यस्त सिजनमा केन्द्रित छ । सन् २०२४ को तथ्यांकले यो ढाँचा प्रस्ट देखाएको छ l

• भाद्र-कार्तिक: १७,००० भन्दा बढी पर्यटक ।
  

• चैत्र–जेठ: थप ८,४०० भन्दा बढी पर्यटक । 

यसको अर्थ, यहाँ आउने पर्यटकमध्ये ८०% भन्दा बढी पर्यटकहरु यी छ महिनामा आउँछन्। बाँकी छ महिना, मंसिर–फाल्गुण र असार–भदौमा आउने हुन् l कतिपय महिनामा त ५०० भन्दा पनि कम पर्यटकहरु हुन्छ l

स्रोत: राष्ट्रिय निकुञ्ज तथा वन्यजन्तु संरक्षण विभाग (२०७७/७८-२०८०/८१)

यहाँका दुई खाले ग्राहकहरु छन् l दुवै एक–अर्काभन्दा फरक छन् । राम्रो आम्दानी गर्न दुवैका लागि फरक फरक योजना बनाउनुस l​

तथ्यांकले देखाउँछ कि लाङटाङ अहिले व्यस्त छ l अझै व्यस्त हुदै जानेछ l अधिकांश पर्यटकहरु दुई छोटो सिजनमा यहाँ आउने गर्दछन् l सफल व्यवसायीहरूले यही ढाँचालाई आफु अनुकुल बनाएर फाइदा लिन्छन l

पछिल्ला चार वर्षका तथ्यांकले बलियो वृद्धिको सम्भावना देखाएको छ l सफल व्यवसायीहरूले अवसर र जोखिम दुवैलाई ध्यानमा राखेर योजना बनाउनुपर्छ l सन् २०२१ देखि २०२४ सम्मको वृद्धिले यी तीन व्यवहारिक परिदृश्यहरु देखाएको छ l

नोट: ८०% को बिश्वास अन्तराल

• दुवै खाले पर्यटकहरुलाई सेवा दिनुहोस्: नेपाली पर्यटकहरुलाई उचित मूल्य र भरपर्दो सेवा दिनुहोस्। विदेशी पर्यटकहरुबाट भने राम्रो कोठा, तातो पानी र नेपाली कफी जस्ता सुविधाबाट अझ बढी नाफा कमाउनुहोस् ।

• सिजनअनुसार चल्नुहोस्: फागुन–जेठ र असोज–कार्तिकमा पूरा तयारीसाथ काम गर्नुहोस् । अन्य महिनामा मर्मतसम्भार, तालिम, र ब्यस्त महिनामा बेच्न मिल्ने स्थानीय सर-सामान बनाउनुहोस् ।

• विश्वास कमाउनुहोस्: इमानदार बन्नुहोस् । पाहुनालाई सधै सहयोग गर्नुहोस् । विश्वास नै तपाईंको सबैभन्दा राम्रो प्रचारप्रसार हो ।

• बिस्तारै बढ्नुहोस्: ठूला ऋण लिएर अहिले नै सेवासुविधा विस्तार नगर्नुहोस् l आफ्नै नाफाबाट सुधार गर्दै जानुहोस् l पहिलो वर्ष राम्रो र सफा कोठा, अर्को वर्ष बाथरुम सहितको कोठा l यो सहि र सुरक्षित तरिका हो ।

• व्यक्तिगत सम्बन्ध जोड्नुहोस्:   मुस्कान, पर्यटकसंग आफ्नो कथा साटासाट, वा पर्यटकको नाम लिएर बोल्नु - यी सेवाहरु महँगो कोठाभन्दा पनि मुल्यवान हुन् । यो सेवाले गर्दा पर्यटकहरुले यहाँलाई जहिले पनि सम्झने छन् l